4月26日長洲艇爆釣 - 香港海钓联盟

(轉貼自深海網黎老師Blog)
日期：2008年04月26日(星期六) 农历：三月二十一
时间：6:30am - 3:30pm 艇家：长洲火胜
钓手：Stephen(香港钓网会)、Lynx、露西(深海钓鱼网)
钓点：蚊洲西南一小时
钓法：艇钓手丝
钓饵：大海虾、鬼虾、花虾、中虾
天气：2级东北仔、阴阳相隔
水质：蓝水
钓获：青斑x17(斤头至4斤x5、5斤至10斤x7和10至18斤x5)、白尾芝麻斑x7(磅头至2斤x3、3斤至5斤x4)、火鰽(红身大点x5：斤半至4斤x5).....总鱼获共约140斤后记：真系『塞翁失马；焉知非福』！原本星期五连同罗蛇、Lynx book左山哥仔艇，点之山哥仔星期四打来话个booking double左，应该俾业余十一哥佢地先岩，小弟梗系无所谓啦，反正同十一哥咁熟！实时再搵星期五艇，先check天气，ok喎…..试打俾西贡胜就(唔得) 、青龙头喜记(唔得) ；跟着长洲火胜；佢话星期五唔得，但星期六刚有客取消，可以俾我，哗….. 咁笋…..但要开工；点算，都系试吓同同事调调，又掂喎……好；重新约过脚；Lynx ok，罗蛇唔得但Stephen得。好……人齐；出发！星期六撘早上4:15班船过长洲；系长洲开2小时艇(即17/3果日同一个位) ；8:30am落钓；全日祇系走左5、6个位，其中有3个位食成十口八口饵，有一个位仲经典，转位途中测深机测到一个好细的排位，火胜话试下啦，我又特然心血来潮觉得e个位应该有料到，决定揸机拍野唔钓鱼，艇上三条友一落绳到底就有鱼食饵，一阵间就钓左7条白尾芝麻斑(又叫杉芝麻) ，条条鱼连起手动作都拍晒呢！有几条仲有成3-5斤添！跟着转位又钓死5条较大的老青(平均10斤重一条，最大18斤) ，又有几条大红身火点(火鰽) ，3点半够晒酬收工，点一点数，青斑17条、芝麻斑7条和火鰽5条共29条总重约140斤！今日大赢家系Stephen，佢第一次跟小弟去钓大鱼，一个人就钓左7条(4青1火2芝麻) ，有两条青斑仲系过10果只，小弟都凳佢高兴！

以下报告由Stephen撰写：昨日几经转折, 凌晨两点钟于荃湾启程, 转小巴, 驳渡轮, 入到长洲后仲要再坐两个钟头艇, 前后历时四个几钟先至开始落丝作钓. 难得黎 Sir 监考在身, 仍然抽空同行, 传授我钓大鱼之法, 诚意拳拳, 叫人受宠若惊. 开始作钓后, 黎Sir仲要比个靓位我坐, 自己唔钓, 面对面教到我钓到一条鱼为止. 期间各种细节, 一一详加指导, 无微不至到令人感动, 仲以为自己请左个私人钓鱼补习老师. 有如此导师, 难怪深海人才辈出, 高手云集. 好快, 有青斑上水, 跟住接二连三, 三不离四. 呢个时候, 实在唔好意思再霸住个靓位, 敬请黎Sir上座(不过, 咁arm又转左流wor, 黎Sir: 在此声明, 我事前真系唔加架!). 行家一出手, 即刻有睇头, 无论引鱼, 抽鱼, 就鱼, 控鱼, 送鱼……都功架十足, 成为我以后学习既楷模. 如是者, 我地一排复一排, 予取予携, 全日共钓左29条, 约担半既鱼. 最后人人心满意足, 斜阳轻风下, 凯旋归航!